Көкпекті аудандық аурухансында гемодиализ бөлімі ашылады
Жақында Абай облысының әкімі Нұрлан Ұранхаевтың тапсырмасымен Көкпекті аудандық ауруханасы ішінен заманауи медициналық гемодиализ қондырғыларымен жабдықталған орталық ашылмақ.
Енді науқастар қалаға бармай-ақ, аудандық аурухананың көмегіне жүгіне алады.
«Гемодиализ аппараты адам қанын сүзгілердің көмегімен тазартады. Сонымен бірге ол жасанды бүйрек қызметін атқарады. Тағы да бір ерекшелігі – жүрек-қан тамырларының гемодиализ кезіндегі асқынуларын азайтады»,- дейді Семей қаласындағы бүйрек ауруларын емдеу орталығының директоры Думан Медеуұлы.
Сонымен қатар, ауданға Абай облысының Денсаулық сақтау басқармасы басшысының орынбасары Гүлназ Таңатарова мен «Әлеуметтік медициналық сақтандыру қоры» Абай облысы бойынша филиалының директоры Ғалымжан Әбілов да арнайы жұмыс сапарымен барып, аудандық аурухана мамандарымен кездесті.
Тағыда оқыңыз