«Мерейлі отбасы» ұлттық конкурсы - адамгершілік құндылықтарын жаңғыртуға және отбасы мен некенің (ерлі-зайыптылықтың) жағымды үлгісін дәріптеуге, отбасы мәртебесін арттыруға бағытталған.

Аталған ұлттық конкурс жыл сайын ауданымызда өткізілуде. Биылғы жылы «Мерейлі отбасы» ұлттық конкурсының аудандық кезеңіне 11 отбасы қатысуға ниет білдірді.

Көкпекті ауданында «Мерейлі отбасы» ұлттық конкурсының аудандық кезеңінің жеңімпаздарын анықтау бойынша комиссия құрылды. Бүгін Көкпекті ауылының ардагерлер үйінде «Мерейлі отбасы» ұлттық конкурсының аудандық кезеңінің жеңімпаздарын анықтау бойынша комиссия отырысы өтті. 

Үміткерлердің құжаттарымен танысқан комиссия мүшелері әрбір отбасының бала тәрбиесіндегі өнегелі істерін, ата-аналардың, балаларының оқудағы, қызметтегі жетістіктерін саралады. Отбасылардың жақсы дәстүрлері, қоғам өміріне қатысуы да назарға алынды. 

Комиссия отырысының қорытындысы бойынша үздік деп танылған екі отбасы облыстық байқауға ұсынылды.