Жастар арасында үлкен қызығушылық пен сұранысқа ие «Вена балы – 2024» байқауы ұйымдастырылды.

Байқауға қаламыздың жоғары оқу орындары мен колледж студенттері қатысып, өнерлерін ортаға салып бақ сынады.

Бұл конкурс жыл сайын дәстүрлі түрде өткізіліп келеді. Әр байқау өзіндік бояуымен жастарды жақын тартып, әлемдік мәдениетпен танысуға септігін тигізуде.

Сайыс болған соң жеңімпаз болатыны белгілі. Қазылар алқасының шешімімен Семей қаласының Шәкәрім атындағы университеті жеңімпаз деп танылса, Шәкәрім жоғары колледжі мен Семей Медицина университеті екінші және үшінші орынға ие болды. Сонымен қатар «Үздік жұп» номинациясын Әлихан Бөкейхан университетінің студенттері жеңіп алды.

Жеңімпаздар ақшалай сыйлықпен марапатталып, көрермен қауымның ыстық ықыласына бөленді.