Елімізде қант қызылшасын жинау науқаны аяқталды
Үкіметте Премьер-министрдің орынбасары Серік Жұманғариннің төрағалығымен өткен кеңесте қант қызылшасын жинау нәтижелері қарастырылды. Елімізде қант қызылшасының орташа өнімділігі гектарынан 535,5 центнерді құрап, шамамен 1,3 млн тонна жиналды.
20 желтоқсандағы жағдай бойынша қазақстандық қант зауыттары өңдеуге 988,6 мың тонна өнім қабылдады: «Ақсу қант» зауыты – 351,7 мың тонна (оның ішінде Жамбыл облысынан – 39,3 мың тонна);
Көксу қант зауыты – 252,6 мың тонна;
Меркі қант зауыты – 384,3 мың тонна.
Қалған өнім өңдеуге дейін фермерлердің қант қызылшасы үйінділерінде сақтаулы.
Сонымен қатар фермерлерге қант қызылшасын қай зауытқа тапсырғанына қарамастан, қолданыстағы тәртіп бойынша әкімдіктер мен қант зауыттары тарапынан субсидиялар төленеді.
Тағыда оқыңыз
Қант қызылшасының өнімін қант зауыттары толығымен қабылдайтын боладыҚазақстан өңірлерінде егін жинау науқаны қалай өттіЕліміздің диқандары 16,4 млн тонна астық бастырдыЖетісу облысында қант қызылшасы алқабын үш есе ұлғайту жоспарланудаАуыл шаруашылығы министрлігі: 2024 жылы қант қызылшасының рекордтық өнімі күтілуде