Қазақстан Әуе қорғанысы күштерінің ҰҰА мамандарын даярлау және оларды жауынгерлік қолдану оқу-жаттығу орталығында Қарулы күштердің әскери қызметшілері, сонымен қатар Ішкі істер министрлігі мен Ұлттық ұланның қызметкерлері курстық даярлықтан өтті. 

Ұшқышсыз басқарылатын құрылғыларды қолдану барлық күш құрылымдарының жұмысының ажырамас бөлігіне айналады. Бұл құрылғылар шектеулі ресурстар мен тығыз уақытта тапсырмаларды тез әрі сәтті орындауға кепілі бола алады. Оқыту барысында мамандардың алған білімі ұшқышсыз басқарылатын авиациялық жүйелерді пайдалана отырып, әртүрлі операциялардың тиімділігін арттыруда шешуші болмақ.

Оқыту курсы күрделі жағдайларда және әуеайлақ алаңдарынан тыс ұшқышсыз басқарылатын әуе кемелерінің ұшуын ұйымдастыру және басқару бойынша теориялық және практикалық сабақтар кешенін қамтыды. 

Оқу бағдарламасы аяқталған соң курс тыңдаушылары сынақ тапсырып, мамандарға жаңа біліктілікті растайтын сертификаттар берілді.