Абай облысында 4 мыңға жуық қыз балаға вакцина салынды

5-02-2025, 12:00 Думан Кенжеғазыұлы

Адам папилломасы вирусына (HPV) қарсы Абай облысында 4 мыңға жуық қыз баласы вакцина алған. Аталған деректі Семей қаласының эпидемиологтары мәлімдеді.

Еске сала кетсек, өткен жылы өңірде мектеп оқушыларын иммундау науқаны басталған болатын. Осыған вакцинация оқу орындарындағы медициналық кабинеттерде ата-аналардың міндетті келісімімен, сондай-ақ тұрғылықты жері бойынша емханаларда жүргізілеуде.

2024 жылдан бастап қыз балаларды АПВ-ға қарсы иммундау Ұлттық екпе күнтізбесіне енгізілді. Жатыр мойны обырының кең таралуымен байланысты – Қазақстанда жыл сайын осы аурудың 2 000-ға жуық жаңа жағдайы тіркеледі. Халықаралық зерттеулердің нәтижесінде вирус таралуын және онкологиялық аурулардың даму қаупін вакцинация төмендететіні дәлелденген.

– Бүгінгі таңда облыста 11-13 жас аралығындағы 3 944 қыз балаға вакцина салынды. Семей қаласында 1 509. Олардың 30%-ы – 11 жаста, 16%-ы – 12 жаста, ал 17%-ы – 13 жаста, – деп мәлімдеді «Семей қалалық санитарлық-эпидемиологиялық бақылау басқармасы» РММ басшысы орынбасарының міндетін атқарушы Әділ Қалдыбатыр.

Дәрігерлердің айтуынша, бүгінде АПВ-ға қарсы вакцина әлемнің 135 елінде қолданылады. Бірқатар мемлекеттерде жаппай вакцинация нәтижесінде вирус таралуы әйелдер арасында 90%-ға дейін төмендеген.

Тағыда оқыңыз

Қазақстанда АПВ-ға қарсы вакцинация аясында 11-13 жас аралығындағы 1,6 мың қыз егілді Мамандар адам папилломавирусының алдын алуға шақырды Семей қалалық мәслихатына бірмандаттық округ бойынша кімдер ұсынылды?Облыста кезеңдік тұмау ауруына қарсы егу жұмыстары басталды Қазақстан Үкіметі адам папилломасы вирусына қарсы вакцина сатып алуға 9,7 млрд теңгеден астам қаржы бөлді

Бізге ақпарат жолдаңыз Телеграмдағы каналымыз

Абай облысында 4 мыңға жуық қыз балаға вакцина салынды

Пікірлер (0)