«Семей орманы» аумағында орман өрттерін ерте анықтау жүйелері орнатылады

4-03-2025, 16:17 Думан Кенжеғазыұлы

Орман өртіне жедел әрекет ету және залалды барынша азайту мақсатында «Семей орманы» мемлекеттік орман табиғи резерваты аумағында жаңа автоматтандырылған ерте хабарлау жүйелері іске қосылады. Бұл туралы баспасөз конференциясында «Семей орманы» МҰТП СОПКиО бөлімінің міндетін атқарушы басшысы Ринат Өтегенов мәлімдеді.

– Қазіргі таңда мұндай жүйелер Семей, Жаңасемей және Канонер филиалдарында жұмыс істейді. Биылдан бастап барлық филиалда өрт ошақтарын қашықтан бақылауға және автоматты түрде тіркеуге мүмкіндік беретін жаңа кешендер орнатылады. Бұл өрттің алдын алуға, оның таралу қаупін азайтуға және жою шараларын жедел ұйымдастыруға ықпал етеді, – деді Ринат Өтегенов.

Сонымен қатар, орман шаруашылығы қызметкерлеріне арналған оқу-жаттығулар ұйымдастыру жоспарланған. Бүгінде тұрақты штат саны 177 адамды құрайды, ал өрт қаупі жоғары кезеңде қосымша 400 уақытша қызметкер тартылады. Филиалдардың үздіксіз жұмысын қамтамасыз ету үшін жанар-жағармай материалдарының стратегиялық қоры жасақталып, байланыс құралдары күшейтілді. Қазіргі уақытта 648 радиостанция қолданыста, оның 391-і – тасымалды құрылғылар.

Тағыда оқыңыз

Абай облыстық мәслихатының сайлауына қатысатын партиялық тізім тіркеуден өтті Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы Ерлан Нысанбаев: Биыл жаз айлары әдеттен тыс ыстық болады, тиісінше өрт қаупі күшейе түспек

Бізге ақпарат жолдаңыз Телеграмдағы каналымыз

«Семей орманы» аумағында орман өрттерін ерте анықтау жүйелері орнатылады

Пікірлер (0)