Республикалық «Egemen Qazaqstan» газетінің Абай облысындағы меншікті тілшісі болып Бақытбек Қадыр тағайындалды.

Жазушы-журналист Бақытбек Қадыр – 1990 жылы туған. 

2015 жылы Л. Гумилев атындағы Еуразия ұлттық университетінің Журналистика және саясаттану факультетін тәмамдаған. 

Халықаралық «Түркістан» газетінде тілші, ҚР агроөнеркәсіп ұлттық палатасының баспасөз хатшысы, қалалық «Jańa bastau» газетінің бас редакторы қызметін атқарған. 

«Жасыл шатырлар», «Мәжусилер» әңгімелер жинағының авторы. «Дауыс» антологиясының құрастырушысы. ECG (Eurasian Creative Guild) және Қазақстан Жазушылар одағының мүшесі. 
«Алтын тобылғы» әдеби байқауының лауреаты (2020). Open Eurasia-2022 халықаралық әдеби байқауының (екінші орын) жүлдегері. Халықаралық қазақ ПЕН-клубының Мағжан медалімен марапатталған (2022). Qalamdas әдеби сыйлығың жеңімпазы (2022). «Ұлы дала» республикалық әдеби байқауының жеңімпазы (2023). «Дарын» мемлекеттік жастар сыйлығының игері.