Белгілі ақын, аудармашы, Қазақстан Жазушылар Одағының мүшесі Қайырбек Шағырдың «Абыралы аңыздары» атты жаңа кітабы жарық көрді. Кітапта сан сынақты бастан өткерсе де атын сақтаған Абыралы өңірінен шыққан тұлғалар, аты алты алашқа белгілі қайраткерлердің ғұмыр жолы баяндалады. 

Қайырбек Шағырдың бұған дейін «Тартылыс», «Тебіреніс толқындары», «Арша аңқыған жаз», «Қалам мен қамшы» атты өлеңдер мен аудармалар жинағы оқырман қауымға жол тартқан болатын. Бұл жолғы кітаптың да рухани маңызы зор, айтары мол. Оны ақынның «Абыралы адамдарына» атты өлеңіндегі мына жолдар айғақтап тұр:

Абыралы адамдарына

Ауданды елің екі рет

Тарап кеткенде шыдадың.

Байлықтың көбін жемқорлар

Талап кеткенде шыдадың.

Шыдай да жүріп күрестің,

Жылай да күліп тірестің.

Қалдырмай жерді иесіз,

Замана көшке ілестің, 

Еңбектің отын үдеттің.

Өртеңге өскен гүлмісің,

Ерлігіңменен үлгісің.

Жетсе егер менің шын күшім

Абыралы адамдарына 

Орнатар едім бір мүсін!

Бұдан өзге автордың әр жылдары белгілі тұлғалардан алған сұхбаттары, әлемге әйгілі адамдар өмірін зерттеген танымдық зерттеулері енген.