Абай облысы, Көкпекті ауданы, Көкпекті ауылының Ұлы Дала Елі алаңында ауыл шаруашылық жәрмеңкесі өткізілді. 

Жәрмеңкеде 6 бас ірі қара мал еті, 7 бас қой еті, 200 кг  құс еті (қаз, үйрек), балық - 800 кг, жұмыртқа, бал, сүт өнімдері саудаланды.

Сонымен қатар, Семей қаласынан тұрақтандыру қорынан (СПК Семей) біршама тауарлар арзандатылған бағада әкелінді. 

Ауданға Семей қаласынан тұрақтандыру қорынан 4 тонна картоп, 2 тонна - сәбіз, 2 тонна - орамжапырақ, 1 тонна - күріш,  1 тонна - қарақұмық, 1000 литр күнбағыс майы әкелініп саудаланды. Тұрақтандыру қорынан әкелінген өнімдер нарық бағасынан 30-35 % төмен бағада саудаланды. Мысалы, картоп 1кг - 105 тг, сәбіз 1кг - 100, орамжапырақ 1кг - 100 тг, күнбағыс майы 5 л - 3750 тг.

Ауа райының қолайсыздығына қарамастан жәрмеңкеге келіп сауда жасаған аудан тұрғындары көп болды. Ендігі кезекте бұндай жәрмеңкелерді дәстүрлі түрде айына 2 рет, яғни әр айдың 10 кейін және 20 кейін өткізіп тұратын болады.