2025 жылдың басынан бастап атаулы әлеуметтік көмек (бұдан әрі – АӘК) тағайындау рәсімдерінің ашықтығы мен объективтілігін арттыру мақсатында өтініш берушілердің қаржылық жағдайын тексеру процесін цифрландыруға мүмкіндік беретін FSM Social мобильді қосымшасы енгізілді. Мониторинг нәтижелері бойынша анықталған бұзушылықтар бойынша материалдар құқық қорғау органдарына жіберілді.

Цифрлық құралды енгізу адам факторының әсерін барынша азайтуға, қабылданған шешімдердің негізділігі мен тиімділігін арттыруға, сауалнама жүргізу кезінде уәкілетті органдардың жұмысын жеңілдетуге мүмкіндік берді.

Ағымдағы жылдың сәуір айында ҚР Еңбек және халықты әлеуметтік қорғау министрлігі 2025 жылдың 1 тоқсаны бойынша АӘК алушылардың тексеру есептеріне қашықтан мониторинг жүргізді. Өтініш берушінің тұрған жерін көрсетілген тұрғылықты мекенжайымен және сараптаманың нақты орналасқан жерімен салыстыруға ерекше назар аударылды.

Талдау 1000 метрден астам координаттардың сәйкес келмеу жағдайларын анықтады. Учаскелік комиссиялардың қызметіне кешенді тексеру жүргізу үшін Алматы, Түркістан облыстары, Абай ауданы және Шымкент қаласының әкімдіктеріне тиісті деректер жіберілді. Бүгінгі таңда заң бұзушылықпен жүргізілген 9 тексеру актісі құқық қорғау органдарына тапсырылған.

Жыл басынан бері FSM Social қосымшасы арқылы АӘК алуға 91,5 мыңнан астам өтініш қаралды.

Сауалнамаларды жүргізудің цифрлық форматы қажеттіліктерді дәлірек және негізді бағалауға ықпал етеді, сондай-ақ әлеуметтік көмек тағайындау кезінде мүмкін болатын бұзушылықтарды жедел анықтауға және алдын алуға көмектеседі.