Дұрыс жүру – денсаулық кепілі » 018.kz

Дұрыс жүру – денсаулық кепілі

21-05-2025, 12:17 018.kz

Семейде әскери қызметшілердің жұбайлары мен отбасы мүшелеріне жүріс-тұрысты қалыптастыру мен суретке сәтті түсудің жолдары көрсетілген шеберлік сабақтары өткізілді. Алғаш рет өткізіліп отырған шара қалалық мәдениет сарайында ұйымдастырылып, шеберлік сабағын тәжірибелі маман «Гүл сымбат» сән театрының жетекшісі Әсем Садуақасова жүргізді.

«Шығыс» өңірлік қолбасшылығы әскерлерінің қолбасшылығы әскери қызметкерлердің отбасы мүшелерімен жұмысты ұйымдастыру қызметінің жетекшісі Ақмарал Ахметжанованың айтуынша, аталған іс-шараға әскери қызметшілердің бала күтімімен үйде отырған аналар да көптеп келді.

- Шеберлік сабағының басты мақсаты үйде отырған әскери қызметшілердің жұбайларының бос уақыттарын тиімді пайдалануын қамтамасыз ету. Біз күнделікті өмірде көңіл бөле бермейтін жай ғана жүріс тұрыстың өзі адамның психологиялық жағдайын аңғартады. Дұрыс жүрмеу денсаулыққа кері әсерін тигізеді. Сондықтан осындай шеберлік сабақтардың маңызы зор. Бұл бастамасы, алдағы уақытта да осындай сабақтар жалғасын табады деп ойлаймын, - дейді Ақмарал Ахметжанова.

Шеберлік сабағы барысында «Гүл сымбат» сән театрының жетекшісі Әсем Садуақасова дефиле, яғни, жүріс - тұрыстың қарапайым ережелерін үйретті. Осы алғы шарттардың өзін дұрыс қолдану адам жүрісіне оң әсерін тигізеді дейді мамандар. Көп балалы ана, әскери қызметшінің жұбайы Балнұр Рыспаева шеберлік сабағы барысында жүріс-тұрыстың қарапайым ережелерін біліп қалдық дейді.

- Біз күнделікті өмірде өзіміздің жүрыс-тұрысымызға, өзімізді ұстауға көп мән бермейді екенбіз. Сол нәрселерді осы жерге келіп үйреніп жатырмыз. Осындай шараның ұйымдастырылып жатқанына алғысымыз шексіз. Алдағы уақытта да осындай сабақтар көбірек ұйымдастырылса екен. Біз сияқты үйде отырған аналар үшін бұл жақсы мүмкіндік, - дейді Балнұр Рыспаева.

Абай өңірлік гарнизонының баспасөз қызметі

Тағыда оқыңыз

Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы Қасым-Жомарт Тоқаев: Біз озық ойлы ұлт ретінде тек қана алға қарауымыз керек

Бізге ақпарат жолдаңыз Телеграмдағы каналымыз

Дұрыс жүру – денсаулық кепілі

Пікірлер (0)