ҚР Парламенті Сенаты Төрағасының орынбасары Жақып Асанов Санкт-Петербургтегі XIII халықаралық заң форумына қатысты. Шараға қатысушылар азаматтар мен бизнестің құқықтарын қорғау, құқық қолдану тәжірибесін жетілдіру, сондай-ақ құқықтық мәдениетті нығайту және қазіргі жағдайда әлеуметтік-экономикалық процестерді реттеу үшін заңнамалық бастамаларды ілгерілету мәселелерін талқылады.

Жақып Асанов өз сөзінде Қазақстанның соттарында және құқық қорғау органдарындағы басқару ісі және цифрлық технологияларды енгізу туралы айтып берді. Соның арқасында түрме тұрғындарын 40%-ға қысқартуға, қылмыстық істерді қарауды жеделдетуге, судьяларға жүктемені үш есе азайтуға, медиация деңгейін арттыруға және автоматты қаржыландыру арқылы сот жүйесінің тәуелсіздігін қамтамасыз етуге мүмкіндік туды.

«Бас прокуратурада да, Жоғарғы сотта да біз жобалық менеджментті енгіздік. Көптеген адамдар бұл жүйелерді өзгертуге болатынына сенбеді – біз оны дәлелдедік. Жоғарғы Сотта мыңдаған судьялар, прокурорлар мен адвокаттар арасында ауқымды сауалнама басталды. Бұл күрделі нүктелерді анықтауға және «мінсіз судьядан» «Smart сотқа» және «татуласуға» дейінгі 7 нақты бағытты қалыптастыруға көмектесті. Әр бағыт – бұл команда, нақты жоспар және нәтиже. Мысалы, «мінсіз судьяда» іріктеу күшейтілді: тесттер, кейстер, есімдерді шифрлау, эссе. 14-тен 1-і өтеді, бұрын әрбір 4-і болатын», - деді Жақып Асанов.