«Шығыс» өңірлік қолбасшылығына қарасты әскери бөлімдерде 2025 жылғы жазғы оқу кезеңі басталды. Дәстүр бойынша «Шығыс» өңірлік қолбасшылығының штабында қолбасшы генерел-майор Жеңіс Маралов жазғы оқу жылының ашылуымен құттықтап, алдағы жартыжылдықтағы атқарар қызметтеріне табыс тіледі. 

Қолбасшылық басқармасының әскери қызметшілерімен мемлекеттік-құқықтық дайындық сабағын «Шығыс» өңірлік қолбасшылығының қолбасшысы генерел-майор Жеңіс Маралов өткізді. Дәрісте жеке құрамға қазақстандық патриотизм сезімін қалыптастыру және әскери борышына адалдық, «Біртұтас ел – біртұтас жер» қағидатының негізгі құндылықтары мен мақсаттары жеткізілді.  

Бұған қоса сабақ барысында жазғы оқу кезеңіне қойған жауынгерлік тапсырмалар нақтыланды. Сондай-ақ мемлекет басшысының бастамасымен елімізде іске асып жатқан жобалармен қатар, еліміздің әлеуметтік-экономикалық, саяси және әскери-техникалық дамуының негізгі бағыттарына ерекше назар аударылды. 

Сабақ соңына қарай мекеме басшысы жаңа оқу кезеңіне қойылған тапсырмаларға тоқталып, жеке құрамды жігерілік танытуға шақырды.

Абай өңірлік гарнизонының баспасөз қызметі