Абай гарнизонының 44293 әскери бөлімінде ағымдағы жылдың 9 маусым мен 8 шілде аралығында тыл мамандары әскери міндеттілерінің оқу жиыны басталды. Запастағы әскерилерді дайындау жоспарына сай ұйымдастырылып отырған жиынға жүзден астам әскери міндеттілер шақырылды. Олар Семей, Аягөз қалалары мен Бородулиха аудандарынан келген. 

Бір ай көлемінде әскери міндеттілер тыл қызметіне қатысты жанар-жағар май, азық-түлік, киім – кешек, ветеринарлық қызметтері және әскери қатынас мамандықтарды меңгеріп, өз біліктілітерін жетілдіре түседі. 

44293 әскери бөлімінде әскери міндеттілер жатын орын, күніне үш рет тамақтану, әскери киіммен қамтамасыз етіледі. Сонымен қатар әскери міндеттілер үшін әскери жиын барысында жұмыс орны, атқарылатын лауазымы сақталады. 

Естеріңізге сала кетейік, әскери жиындар әскери бөлімдердің жауынгерлік және жұмылдыру әзірлігінің деңгейін арттыру, әскери құрылымдарыд өрістету, әскери оқыту резервін дайындау және запаста жинақтау үшін бағытталған. 

Абай өңірлік гарнизонының баспасөз қызметі