Абай облысында үш мал сою нысанын салу жоспарланған
Ветеринариялық-профилактикалық іс-шаралар жоспарына сәйкес, облыс бойынша 11 аса қауіпті ауруларға қарсы 7 млн. астам екпе жүргізу жоспарланған. Бұл туралы өңірлік коммуникациялар қызметі алаңында өткен баспасөз маслихатында Абай облысы ветеринария басқармасының басшысы Ержан Барышев баяндады.
- Өңірде ауыл шаруашылығы жануарлары арасында аса қауіпті ауруларды анықтау мақсатында 13 түрлі ауруға 2,044 млн диагностикалық зерттеу жүргізу жоспарланған. Бүгінде бруцеллезге қарсы жоспарлы тексеру барысында 725,3 мың бас мал зерттеліп, 1 619 оң нәтиже көрсетті. Соңғы үш жылда бруцеллез індетінің төмендеу үрдісі байқалады, - деп атап өтті басқарма басшысы.
Абай облысы аумағында 87 мал сою нысаны жұмыс істейді, оның ішінде 74-і мал сою алаңы, 13-і мал сою пункті. Алайда бұл көрсеткіш өңірдегі сұранысты толық қанағаттандырмайды. Осыған байланысты биыл аудан және қала әкімдеріне әр өңірде кемінде үш мал сою нысанын салу тапсырылды.
- Сонымен қатар, 2025 жылдың басынан 5 688 қаңғыбас ит пен мысық ауланды. Оның ішінде Семей қаласында – 2 202 жануар (2 035 ит, 167 мысық). АСВШ бағдарламасы аясында Семейде 178 жануар ауланып, 144-і бұрынғы мекендеу орнына қайта шығарылды. Қалған 34 жануар стерилизация мен вакцинациядан кейін шығарылатын болады. Жыл соңына дейін аталған бағдарлама бойынша 435 жануарды қамту жоспарланған, - деп қорытындылады спикер.
Тағыда оқыңыз
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыОблыста ветеринария саласы бойынша 9 коммуналдық мемлекеттiк кәсiпорындар жұмыс атқарудаМемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіДиагностика, вакциналау және тұрақты бақылау. Ветеринария саласын тұрақты түрде қауіпсіз деңгейге қалай шығаруға боладыМинистрліктің кеңейтілген алқа отырысында өткен жылдың қорытындысы мен 2024 жылға арналған жоспарлары талқыланды