Абай облысының Үржар ауданында «Қоғамдық кеңестер мен жергілікті өзін-өзі басқарудың әлеуетін арттыру» жобасы аясында маңызды кездесу ұйымдастырылды.

Жиынға жергілікті атқарушы орган өкілдері, қоғамдық кеңес мүшелері, белсенді азаматтар мен сарапшылар қатысты. Басқосу барысында қоғамдық консультациялар тетіктері, азаматтық белсенділікті көтеру, халықтың пікірін шешім қабылдау процесіне жүйелі түрде енгізу, жергілікті басқарудың ашықтығы мен тиімділігін арттыру жолдары талқыланды.

Кездесуде әрбір азаматтың қоғамдағы рөлін арттырып, билік пен халық арасындағы диалогты нығайту, өзекті мәселелер бойынша ұсыныстарды тікелей жеткізуге мүмкіндік беретін тәжірибелер ортаға салынды.

Сондай-ақ, қатысушыларға қоғамдық кеңестердің мүмкіндіктері мен өкілеттігі туралы ақпараттық материалдар таратылып, тәжірибе алмасу алаңы құрылды.

Бұл бастама — Үржар ауданында жергілікті өзін-өзі басқаруды жетілдіріп, қоғам мен билік арасындағы сенімді нығайтуға, халықтың пікірін ескеріп, тиімді басқаруға бағытталған маңызды қадам.

Осындай кездесулер өңірдің әлеуметтік-экономикалық дамуына оң әсерін тигізеді.