Аягөз ауданында «Қоғамдық кеңестер мен жергілікті өзін-өзі басқарудың әлеуетін арттыру» жобасы аясында кезекті ақпараттық-талқылау кездесуі өтті.

Іс-шараға жергілікті атқарушы орган өкілдері, қоғамдық кеңес мүшелері, үкіметтік емес ұйымдар мен белсенді азаматтар қатысты. Кездесу барысында қоғамдық консультацияларды тиімді ұйымдастыру тәсілдері, азаматтық белсенділікті көтеру жолдары және тұрғындардың пікірін шешім қабылдау процесіне жүйелі енгізу мәселелері кеңінен талқыланды.

Қатысушылар қоғам мен билік арасындағы өзара сенім мен ынтымақтастықты нығайтуда ашықтық пен тұрақты диалогтың маңызын ерекше атап өтті.

Мұндай кездесулер – жергілікті басқарудың сапасын арттырып, халықтың басқару үдерістеріне қатысу мүмкіндігін кеңейтетін маңызды алаң болып табылады.