Cемей5°С
Ауа-райы
  • Абай14°С
  • Аягөз17°С
  • Ақсуат16°С
  • Бородулиха18°С
  • Қалбатау19°С
  • Курчатов18°С
  • Көкпекті16°С
  • Үржар17°С
478.93 534.96 5.16

Абай облысының оқушылары туристерге арналған мобильді қосымша ойлап тапты

7-04-2023, 12:26 Думан Кенжеғазыұлы

Абай облысы Семей қаласының №7 жалпы орта білім беретін мектеп-лицейінің 9 сынып оқушысы Маратов Нұрлыхан мен 8 сынып оқушысы Темірбаев Темірлан туристерге арналған мобильді қосымша ойлап тапты.

«Мобильді қосымшаның атауы - Discover Abai. Біз жайлы саяхаттауға мүмкіндік береміз, әрі туристерге жаңа жерлер көріп, қазақ тілін үйреніп, жергілікті мәдениетпен танысуға көмек береміз», - дейді Нұрлыхан.

Айта кету керек, дәл осы қосымшаны оқушылар республикалық хакатонда қорғап, бас жүлде иеленді.

Қазақ, орыс және ағылшын тілінде қолдану мүмкіндігі бар қосымшаға тіркелуге болады. Пікір қалдыру, кері байланыс, басқа профильдерді қарау мүмкіндіктері де қарастырылған. Туристерге ыңғайлы болу үшін қосымшаға карта орналастырылған: пайдаланушы белгілі бір объектінің орналасқан жерін оның мекен-жайын басу арқылы біле алады. Туристер үшін қазақ тілі сабақтары, Абай облысынан шыққан белгілі тұлғалардың өмірбаяндары, ұлы Абайдың өлеңдері бар.

«Жобаның клиенттік бөлігі React Native кітапханасын қолдана отырып, jаvascript - те жасалған. Ал оның артықшылығы - jаvascript-тегі код Android Және iOS жүйелерінде жұмыс істейді. Яғни, әр амалдық жүйе үшін бөлек код жазудың қажеті жоқ. Сонымен қатар, технологияның бұл жиынтығы жобаны масштабтауды және сынауды жеңілдетеді», - дейді Темірлан.

Алдағы уақытта қосымша жетілдіріліп, барлық платформаларға жүктеледі дейді оқушылар.

Пікірлер (0)

Кликните на изображение чтобы обновить код, если он неразборчив