Қазақстан футболының отанына айналған Семей қаласының «Елімай» футбол клубы үш дүркін ел чемпионы болғаннан кейін араға бірнеше жыл салып қазақ футболына қайта оралды.

«Елімай» футбол клубы өз алаңында «Астана М» құрамасын 6:0 есебімен ойсырата жеңді. 

Бұл жеңіс клуб жанкүйерлеріне ерекше көңіл-күй сыйлады. 

Ұзақ жылдар бойы тұралап қалған «Спартак» стадионы қайта жанданғандай.

Шараға Абай облысының әкімі Нұрлан Ұранхаев бастаған өңір тұрғындары мен клуб жанкүйерлері қатысты.

Қарсыластың қақпасына дубльді Арман Нүсіп орындаса, Нұрсұлтан Советқазы, Еркебұлан Нұрғалиев, Әлібек Жардемов пен Еңсебаев мергендіктерін танытып қақпаға гол соқты.

Айта кетейік, «Елімай» футбол клубы келесі матчты 22 сәуір күні Алматы қаласында «Жас Қыран» ФК-ге қарсы өткізеді.