Бүгін аудан әкімдігінің ғимаратында Көкпекті ауданының әкімі Әділет Нұрсағатұлы тұрғындарды жеке мәселелері бойынша қабылдау өткізді.

Қабылдауға алдын ала жазылған 9 аудан тұрғыны қатысып, өздерін толғандырған әлеуметтік-тұрмыстық мәселелерін ортаға салды. Көтерілген мәселелердің басым бөлігі тұрғын үймен қамтамасыз ету, жер телімін рәсімдеу, жол жөндеу, сондай-ақ «Дипломмен ауылға» мемлекеттік бағдарламасы аясында тұрғын үй алу мәселелеріне қатысты болды.

Аудан басшысы әрбір азаматтың өтініш-тілегін мұқият тыңдап, көтерілген мәселелердің мән-жайымен жіті танысты. Қабылдау барысында тиісті сала мамандарына заң талаптарына сәйкес түсіндіру жұмыстарын жүргізу, азаматтарға жан-жақты қолдау көрсету және нақты шаралар қабылдау жөнінде тапсырмалар берілді.

Аталған қабылдау – жергілікті атқарушы органдар мен тұрғындар арасындағы ашық диалогты нығайтып, халықтың билікке деген сенімін арттыруға бағытталған жүйелі жұмыстың айқын көрінісі болып табылады.