«Семей аяқ киім фабрикасы» ЖШС отандық және шетелдік өндірушілердің материалдарынан күнделікті және арнайы, әскери аяқ киім өндіруге және сатуға маманданған кәсіпорын. Кәсіпорындағы сапаны бақылау Еуропалық сапа менеджменті сертификатымен, сондай-ақ тауардың шығу сертификатымен расталады. Аяқ киім ҚР МЕМСТ және СТ сәйкес шығарылады, бұл сертификаттармен және сәйкестік декларацияларымен расталған.

Фабрика өкілі облыс әкіміне кәсіпорынның жұмысын таныстырып, алдағы жоспарлары туралы баяндады. 

Аймақ басшысы өз кезегінде фабрика басшылығына өндірілетін өнімнің сапасына ерекше назар аударуды және жергілікті нарыққа шығу мүмкіндігін қарастыруды тапсырды. Мүмкіндігінше білім беру мекемелерімен шарт жасап, көп балалы және мұқтаж отбасыларға көмек көрсету қажеттігін айтты. Кәсіпорын өкілдері әкімнің ұсынысын қолдады.