Баршатас ауылдық округінде ауыл әкімі тұрғындармен «Жаңа Конституция жобасы: негізгі өзгерістер және олардың халық үшін маңызы» тақырыбында кездесу өткізді.

Жиын барысында Конституцияға енгізілетін өзгерістердің негізгі бағыттары түсіндірілді. Атап айтқанда, мемлекеттік басқару жүйесін жетілдіру, азаматтардың құқықтары мен бостандықтарын қорғауды күшейту, жергілікті өзін-өзі басқаруды дамыту және қоғамдағы демократиялық үдерістерді нығайту мәселелері сөз болды.

Кездесу тұрғындарды елдегі маңызды саяси-құқықтық өзгерістер туралы кеңінен ақпараттандыруға және халық пен жергілікті атқарушы органдар арасындағы ашық диалогты дамытуға бағытталды.