Абай облысында Жалпыұлттық коалиция өкілдері «Qazaq Astyq Group» ЖШС қызметкерлерімен кездесіп, Конституциялық реформаның негізгі бағыттары жөнінде түсіндіру жұмыстарын жүргізді.

Кездесу барысында қатысушыларға жаңа Конституция жобасында қарастырылған негізгі өзгерістер, азаматтардың құқықтары мен бостандықтарын қорғауға бағытталған нормалар, сондай-ақ алдағы республикалық референдумның маңызы туралы кеңінен ақпарат берілді. Спикерлердің айтуынша, ұсынылып отырған конституциялық өзгерістер елдің қоғамдық-саяси дамуына серпін беріп, мемлекет пен азамат арасындағы өзара жауапкершілікті нығайтуға бағытталған.

Жиын барысында Семей қалалық мәслихатының депутаты Мадина Еділбекова сөз сөйлеп, мұндай кездесулердің қоғам үшін маңызы зор екенін атап өтті. Оның айтуынша, Конституция – елдің құқықтық негізін айқындайтын басты құжат.

Кездесу барысында «Qazaq Astyq Group» ЖШС бірінші бас директордың орынбасары Мақсот Культуркменов сөз сөйлеп, ұжым атынан жүргізіліп жатқан конституциялық реформаларды қолдайтындарын жеткізді. Оның айтуынша, мұндай бастамалар елдің тұрақты дамуына және қоғамдағы әділдік қағидаттарын нығайтуға ықпал етеді.