Семейде «Үйді басқару: жауапкершілік, сенім, нәтиже» атты өңірлік форум өтті

Бүгін, 12:17 Думан Кенжеғазыұлы

Бүгін Семей қаласындағы Әлихан Бөкейхан университетінде «AMANAT» партиясының «TURGYNDAR AMANATY» жобасы аясында «Үйді басқару: жауапкершілік, сенім, нәтиже» атты өңірлік форум өтті. Шараға облыс әкімі Берік Уәли, «AMANAT» партиясының хатшысы Ержан Жылқыбаев қатысты.

Форум барысында көппәтерлі тұрғын үйлерді басқарудың өзекті мәселелері, мүлік иелері бірлестіктері мен пәтер иелері кооперативтерінің дамуы, тұрғындармен тиімді коммуникация орнату, сондай-ақ басқару тетіктерін жетілдіру бағыттары талқыланды.

«Жоба аясында көппәтерлі тұрғын үйлерді басқару процестерінің ашықтығын арттыру, қаржылық есептілікті цифрландыру, тұрғындардың шешім қабылдау процесіне белсенді қатысуын қамтамасыз ету, сондай-ақ сервистік қызметтердің сапасын жақсарту бойынша нақты шаралар қарастырылған. Бұл өз кезегінде тұрғын үй қорын тиімді басқаруға, инфрақұрылымның жай-күйін жақсартуға және азаматтардың өмір сүру сапасын арттыруға мүмкіндік береді. Осылайша, «TURGYNDAR AMANATY» жобасы партияның сайлауалды міндеттерін іске асырудың маңызды практикалық құралы бола отырып, Мемлекет басшысы айқындаған стратегиялық бағыттарды жүзеге асыруға елеулі үлес қосады», – деді аймақ басшысы.

Жиында «AMANAT» партиясының хатшысы Ержан Жылқыбаев «TURGYNDAR AMANATY» жобасының негізгі бағыттары мен маңызын түсіндірді.

Форумда Семей қаласының әкімі Әділет Қожанбаев, Курчатов қаласының әкімі Болат Әбдіралиев, облыс орталығындағы мүлік иелері бірлестіктері (МИБ) мен пәтер иелері кооперативтерінің (ПИК) төрағалары өз тәжірибелерімен бөлісіп, ұсыныстарын жеткізді.

Облыс бойынша тұрғын үй қоры 2084 көппәтерлі тұрғын үйді құрайды, оның ішінде 1588-і Семей қаласында орналасқан. Тұрғын үйлердің жартысына жуығы 1970 жылдарға дейін салынған. Негізгі бөлігі Семей, Аягөз және Курчатов қалаларында шоғырланған. Курчатов қаласында 81 көппәтерлі тұрғын үйге 3 басқару субъектісі қызмет көрсетеді. 2023-2025 жылдары Семей қаласында 169 аула аумағы абаттандырылды.

Форум аясында партия қатарына жаңадан қабылданған азаматтарға партиялық билеттер тапсырылып, бірқатар мүлік иелері бірлестіктері мен пәтер иелері кооперативтерінің өкілдері облыс әкімінің Алғыс хатымен марапатталды.

Тағыда оқыңыз

Мемлекет басшысы Қасым-Жомарт Тоқаевтың Қазақстан халқына жолдауы «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу»Ерлан Қошанов: Халқымыз тарихи таңдауын жасады Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы АБАЙ ОБЛЫСЫ ҚАЛА МЕН АУДАН ӘКІМДЕРІНІҢ РЕЙТИНГІ (НАУРЫЗ АЙЫНЫҢ ҚОРЫТЫНДЫСЫ)Мемлекет басшысы Қасым-Жомарт Тоқаевтың Үкіметтің кеңейтілген отырысында сөйлеген сөзі

Бізге ақпарат жолдаңыз Телеграмдағы каналымыз

Семейде «Үйді басқару: жауапкершілік, сенім, нәтиже» атты өңірлік форум өтті

Пікірлер (0)