Шайбалы хоккейден аясында Қазақстан ерлер құрамасы мерзімінен бұрын элиталық дивизионға жолдама алды.

Польшаның Сосновец қаласында өтіп жатқан әлем чемпионатының 4-туры аясында қазақстандық хоккейшілер Украина құрамасымен кездесіп, аса тартысты матч өткізді. Негізгі уақыт пен овертайм 4:4 есебімен аяқталды. Буллиттер сериясында отандастарымыз 2:1 есебімен басым түсіп, маңызды жеңіске қол жеткізді.

Кездесуде Всеволод Логвин, Кирилл Ляпунов, Роман Старченко және Батырлан Мұратов шайба соғып, жеңіске үлес қосты.

Қазақстан құрамасының турнирдегі нәтижелері:
• Қазақстан – Литва — 4:1
• Қазақстан – Жапония — 6:0
• Қазақстан – Польша — 3:2
• Қазақстан – Украина — 5:4 (буллитпен)

Айта кетейік, Қазақстан құрамасы 2021-2025 жылдар аралығында элиталық дивизионда өнер көрсеткен болатын. Енді жерлестеріміз ертең топтағы басты фавориттердің бірі саналатын Франция құрамасына қарсы соңғы тур ойынын өткізеді.