Бұл мәселені былтыр Тарбағатай ауылының тұрғындары Абай облысының әкімі Берік Уәлиге жеткізген болатын. Нәтижесінде аймақ басшысы «ҚазАвтоЖол» компаниясымен келісіп, биыл Аягөз – Тарбағатай бағытындағы 66 шақырым жолға орташа жөндеу жүргізілетін болды.

Қазір республикалық маңызы бар «Қарағанды – Аягөз – Тарбағатай – Боғас» тасжолының 757-790 шақырым аралығында жөндеу жұмыстары жүріп жатыр. Жалпы ұзындығы – 33 шақырымды құрайды.

Бүгінде 9,4 шақырымда жол негізі суық ресайклинг әдісімен жаңартылып, 11 700 шаршы метр аумақтағы ақаулар жойылды. Сондай-ақ 5,8 шақырымға ірі түйіршікті асфальтбетон төселді.

Жөндеу жұмыстары жоспарға сай жалғасуда. Құрылысқа 17 арнайы техника тартылған.