Astana AI Film Festival (AAIFF) халықаралық AI-фильмдер байқауына әлемнің түкпір-түкпірінен қатысушылардан өтінім қабылдай бастады. Фестиваль 2026 жылғы 28 қыркүйек пен 1 қазан аралығында Astana AI Week аясында өтеді.

Байқауға толықтай жасанды интеллект технологиялары арқылы жасалған, ұзақтығы 10 минутқа дейінгі қысқаметражды фильмдер қабылданады. Қатысу тегін және барлық ниет білдірушілерге ашық.

Фестиваль бағдарламасы екі секциядан тұрады: «Өмір сүруге тұрарлық болашақ» тақырыбындағы негізгі бөлім және режиссура, визуал, оқиға мен кейіпкер бойынша ашық номинациялар.

Өтінімдер 2026 жылғы 15 тамызға дейін aaiff.ai сайты арқылы қабылданады. Финалистер қыркүйекте жарияланып, жеңімпаздар Астанада марапатталады.

Фестивальдің жалпы жүлде қоры – 1 миллион АҚШ доллары.