434 «Алтын белгі» үміткеріне Шәкәрім білім гранты табысталды

Бүгін, 17:26 SHAKARIM UNIVERSITY

Биыл Шәкәрім университетінде үшінші жыл кезекті рет «Сыңғырла, соңғы қоңырау» салтанатты шарасы өтті. Балалық шақпен қоштасып, болашаққа қадам басқан Shakarim High School мектебінің «Алтын белгі» үміткерлері, білім үздіктерінің жүзі балбұл жайнап, айналаны шуаққа бөледі.

Маңызы ерекше мерекелік шарада Қазақстан Республикасының Әнұраны шырқалып, мемлекеттік Ту әкелінді. Ел ертеңіне деген сенімді еселеген көріністің куәсі болған ұстазар да, ата-аналар мен түлектер де бүгінгі күннің әсерін айқын сезінді.

Шәкәрім университетінің ректоры Думан Орынбеков көпшілікті «Соңғы қоңырау» мерекесімен құттықтай келе, университет базасынан ашылған Shakarim High School мектебінің басқа білім беру нысандарынан айырмашылығына тоқталды.

– Біздің Shakarim High School мектебі – заманауи талаптарға сай құрылған, болашаққа бағытталған жаңа форматтағы білім ордасы. Мектебіміздің алғашқы оқу жылы қазақтың бес арысының бірі, ұлы ойшыл, философ, ақын Шәкәрім Құдайбердіұлының 165 жылдық мерейтойымен тұспа-тұс келуі біз үшін ерекше тарихи әрі рухани мәнге ие болды. Сондықтан мектебіміз тек білім беру мекемесі ғана емес, ұлттық құндылықтарды дәріптейтін рухани орталыққа айналып отыр. Қазіргі таңда мектебіміз үшінші оқу жылын табысты жалғастырып келеді. Бүгінде 10-11 сыныптарда 136 оқушы білім алуда. Биылғы оқу жылында бірнеше оқушымыз «Алтын белгі» мен «Үздік аттестатқа» үміткер болып отыр. Бұл – ұстаздар мен оқушылардың жүйелі еңбегінің нәтижесі. Біздің басты мақсатымыз – әлемдік деңгейде ойлайтын, көптілді, білімді, ұлттық құндылықтарды бойына сіңірген тұлға қалыптастыру. Бүгінгі таңда мектеп тек білім беретін орын ғана емес, оқушының қабілетін ашатын, өмірге бейімдейтін орта болуы тиіс. Сондықтан біз балаларға академиялық біліммен қатар сыни ойлау, цифрлық сауаттылық, зерттеушілік, көшбасшылық және командада жұмыс істеу дағдыларын дамытуға басымдық береміз,- деді Д. Орынбеков.

Бұл замануи талаптарға толықтай сай мектепте 10-11 сыныптағы 136 оқушылары білім алуда. 2025-2026 оқу жылында Shakarim High School мектебінің «Алтын Белгі» белгісіне 7 оқушы, «Үздік» аттестат белгісіне 7 оқушы лайық болып отыр.

Мектебіміздің басты ерекшелігі – университет базасында құрылуы. Бұл оқушыларға ғылыммен ерте жастан айналысуға мүмкіндік береді. Шәкәрім университетінің профессорлық-оқытушылық құрамы, жас ғалымдары мен PhD докторлары арнайы дәрістер өткізіп, ғылыми зертханаларда практикалық сабақтар ұйымдастырады. Осы арқылы оқушылар ғылым мен білімнің байланысын терең түсінеді. Биыл 68 түлек мектеп қабырғасынан қанат қаққалы отыр. Оның 7-і «Алтын белгіге», 7-і үздік аттестатқа үміткер,- дейді мектеп директоры Бақыт Сейітқалиева.

Шәкәрім университеті 2024 жылы Абай облысы бойынша 221 білім үздігіне «Шәкәрім білім гранты» сертификатын берсе, биыл облысымыздың 434 «Алтын белгі» үміткеріне сертификат табыстады.

Тағыда оқыңыз

Қазақстан Республикасының жаңа Конституциясының жобасы жарияланды Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Жаңа Конституцияның жобасы республикалық референдумға шығарылды Шәкәрім шаңырағы – Абай елінің рухани қара шаңырағы!Мемлекет басшысы Қасым-Жомарт Тоқаевтың Ұлттық құрылтайдың бесінші отырысында сөйлеген сөзі

Бізге ақпарат жолдаңыз Телеграмдағы каналымыз

434 «Алтын белгі» үміткеріне Шәкәрім білім гранты табысталды

Пікірлер (0)