Қазақстан Республикасы ІІМ мен БҰҰ Даму бағдарламасы полицияны жаңғырту бағытындағы ынтымақтастықты күшейтуде.

Астанада Қазақстан Республикасы Ішкі істер министрі Ержан Саденов пен БҰҰ Даму бағдарламасы (ПРООН) делегациясы арасында кездесу өтті. Делегацияны тұрақты өкіл Катаржина Вавьерниа басқарды.

Кездесу барысында полиция органдары қызметінің тиімділігін арттыруға бағытталған ауқымды жобаны іске асырудың негізгі бағыттары талқыланды.

Жасалған келісімдер аясында заманауи цифрлық технологияларды енгізу, жасанды интеллект құралдарын пайдалану және озық тәжірибе алмасу үшін халықаралық сарапшыларды тарту мәселелері қаралды.

Ерекше назар тұрмыстық зорлық-зомбылықтың алдын алу орталықтарын дамытуға, сондай-ақ ІІМ-нің психологиялық қызметін нығайтуға аударылды.

Қазақстанда БҰҰ-ның Өңірлік орталығын құру бастамасы да қаралды. Бұл орталық халықаралық ынтымақтастықты дамытуға арналған маңызды алаң болмақ.

Қазақстан Республикасы ІІМ мен БҰҰ Даму бағдарламасы арасындағы ынтымақтастық құқық қорғау жүйесін одан әрі жаңғыртуға, полиция жұмысында дәлелді тәсілдерді енгізуге және халықаралық стандарттарға сәйкес қоғамдық қауіпсіздік деңгейін арттыруға бағытталған.