Қазақстан Республикасы Конституциясының күшіне енуіне орай қоғам белсендісі, PhD, Шәкәрім университетінің қауымдастырылған профессоры Арайлым Оразғалиева қазақстандықтарды айтулы тарихи оқиғамен құттықтады.

Оның айтуынша, Конституция – тәуелсіз мемлекетіміздің берік құқықтық іргетасы, қоғамдағы тұрақтылық пен келісімнің, азаматтардың құқықтары мен бостандықтарының басты кепілі. Ата заң еліміздің демократиялық даму бағытын айқындап, мемлекеттік басқару жүйесінің тиімді жұмыс істеуіне және азаматтық қоғамның нығаюына негіз болып келеді.

Сондай-ақ ол жаңа Конституция ел игілігіне қызмет етіп, Қазақстанның одан әрі өсіп-өркендеуіне, қоғамдық келісім мен бірліктің нығаюына берік негіз болатынына сенім білдірді. Қоғам белсендісі барша қазақстандықтарға зор денсаулық, бейбіт өмір, бақ-береке тілеп, Тәуелсіз Қазақстанның тұрақты дамуы мен жарқын болашағына ізгі тілегін жеткізді.