Қазақстан Республикасы Конституциясының күшіне енуіне орай Абай облыстық мәслихатының төрағасы, Конституциялық комиссияның мүшесі Шалқар Байбеков жаңа Ата заңның ел дамуындағы тарихи маңызына тоқталды.

Ол жаңа Конституцияның қабылдануы Тәуелсіз Қазақстанның дамуындағы ең маңызды тарихи шешімдердің бірі екенін атап өтті. Оның айтуынша, бұл құжат мемлекеттік басқару жүйесін жаңғыртып қана қоймай, еліміздің ұзақ мерзімді дамуының құқықтық негізін айқындады.

Оның сөзінше, бүгін жаңа Конституцияның заңды күшіне енуімен Қазақстан мемлекеттік дамудың жаңа кезеңіне қадам басты. Жаңа өзгерістер тиімді мемлекеттік басқаруды қалыптастыруға, заң үстемдігін нығайтуға, азаматтардың құқықтары мен бостандықтарын қорғауды күшейтуге және өңірлердің тұрақты дамуына тың серпін береді.