Қазақстан Республикасы Конституциясының күшіне енуіне орай Абай облысының цифрлық технологиялар басқармасының басшысы Абзал Серікұлы жаңа Ата заңда цифрлық даму бағытына ерекше басымдық берілгенін атап өтті.

Оның айтуынша, цифрландыру бүгінгі таңда мемлекеттік басқарудың, экономиканың және қоғамдық өмірдің негізгі қозғаушы күштерінің біріне айналды. Сондықтан жаңа Конституцияда осы бағыттың айқын көрініс табуы – заман талабына сай қабылданған маңызды шешім.

Ол цифрлық деректердің қауіпсіздігін қамтамасыз ету, ақпараттық жүйелердің сенімділігін арттыру және заманауи технологияларды тиімді пайдалану мемлекеттік саясаттың басым бағыттарының бірі болып қала беретінін айтты. Оның пікірінше, жаңа Конституциядағы бұл өзгерістер мемлекеттік қызметтерді одан әрі жетілдіруге, инновациялық жобаларды дамытуға және халыққа көрсетілетін цифрлық сервистердің қолжетімділігі мен сапасын арттыруға жаңа мүмкіндік береді.

Сондай-ақ, басқарма басшысы жаңа Конституцияның цифрлық технологияларды дамытуға қолайлы құқықтық орта қалыптастырып, Қазақстанның инновациялық әлеуетін нығайтуға және цифрлық экономиканың тұрақты дамуына тың серпін беретінін атап өтті.