Бородулиха ауданының №2 бірмандатты аумақтық сайлау округі бойынша мәслихат депутаттығына кандидат Айткурман Адыкпаев сайлауалды кездесулер аясында Зенковка ауылдық дәрігерлік амбулаториясының ұжымымен жүздесті.

Кездесу барысында денсаулық сақтау саласындағы өзекті мәселелер, дәрігерлер мен медицина қызметкерлерінің еңбек жағдайы, сондай-ақ ауылдық жерлердегі медициналық қызмет сапасын арттыру және денсаулық сақтау саласын дамыту бағыттары талқыланды.

Жиын кезінде медицина мамандары өздерінің ұсыныс-пікірлерін білдіріп, күнделікті жұмыс барысында кездесетін мәселелерді ортаға салды. Кандидат олардың ой-пікірлерін тыңдап, көтерілген мәселелерге назар аударды.

*2 бірмандатты аумақтық сайлау округі бойынша Бородулиха ауданы мәслихатының депутаттығына кандидат Айткурман Адыкпаевтың сайлау қорынан төленді