Семей қалалық мәслихатының №17 бірмандатты сайлау округі бойынша депутаттыққа кандидат Андрей Алтайбаев тұрғындармен алғашқы кездесуін өткізді.

Кездесу барысында Мемлекет басшысының Жолдауында көтерілген өзекті мәселелер талқыланып, еліміздің әлеуметтік-экономикалық дамуы, білім беру саласының жай-күйі және өңірдің даму перспективалары жөнінде пікір алмасу болды.

Сонымен қатар округ тұрғындарының ұсыныс-пікірлері тыңдалып, халықты толғандырған маңызды мәселелер төңірегінде ашық диалог ұйымдастырылды.

Кандидаттың айтуынша, мұндай кездесулер тұрғындармен өзара байланысты нығайтып, халықтың талап-тілегін тереңірек түсінуге және ел мен өңірдің дамуына қатысты маңызды мәселелерді бірлесе талқылауға мүмкіндік береді.

Тұрғындармен тұрақты байланыс орнатып, олардың пікірлері мен ұсыныстарын ескеру – алдағы жұмыстың маңызды бағыттарының бірі.

*№ 17 бірмандатты аумақтық сайлау округі бойынша Семей қалалық мәслихаты депутаттығына кандидат Андрей Алтайбаевтың сайлау қорынан төленді