Семей қалалық мәслихатының №22 бірмандатты сайлау округі бойынша депутаттыққа кандидат Айдос Солтанғазы сайлауалды үгіт-насихат жұмыстары аясында политехникалық колледж ұжымымен кездесу өткізді.

Кездесу барысында кандидат өзінің сайлауалды бағдарламасын таныстырып, оның негізгі бағыттары мен алдағы жоспарлары туралы баяндады. Сонымен қатар колледж қызметкерлерімен пікір алмасып, олардың ұсыныс-пікірлері мен өзекті мәселелерін тыңдады.

Жиын барысында қатысушылар өздерін толғандырған сауалдарын қойып, білім беру саласына қатысты ой-пікірлерін ортаға салды. Кездесу ашық диалог форматында өтіп, өзара пікір алмасуға мүмкіндік берді.

Айдос Солтанғазы тұрғындармен және түрлі сала өкілдерімен кездесіп, сайлауалды бағдарламасының негізгі бағыттарын таныстыру, олардың ұсыныстарын тыңдау жұмыстарын жалғастыруда.