Мердігерге «Қалбатау-Майқапшағай» автожолындағы жұмыстарды күшейту тапсырылды
Абай облысы әкімінің орынбасары Димитрий Гариковтың төрағалығымен «Қалбатау-Майқапшағай» және «Талдықорған-Қалбатау-Өскемен» республикалық маңызы бар автожолды қайта жаңғырту жұмыстарына қатысты кеңес өтті.
Жиынға жолаушылар көлігі және автомобиль жолдары басқармасының, «ҚазАвтоЖол» ҰК» АҚ филиалының, «Синьсинь» және «Ситик» мердігер компанияның өкілдері қатысты.
Димитрий Гариков облыс үшін екі маңызды автожолындағы жөндеу жұмыстарында кешігу барын және осы бағытта жұмысты күшейту керек екенін атап өтті.
«Қалбатау-Майқапшағай» автожолының кейбір учаскелерінде жұмыстар кешігіп жатыр, бұдан бөлек жоспарға сәйкес қысқа дейін «Талдықорған-Қалбатау-Өскемен» жолында асфальт қабатымен қозғалысты ашу керек, бірақ бұл бағытта да жұмыстарда тұралап тұр. Жұмыстарды жандандыру мақсатында жұмысшылардың үшінші аусымын қосуға келістік. Сондықтан тоқтап тұрған учаскелерді аяқтау туралы уәделеріңізді орындауларыңыз қажет», - деп атап өтті облыс әкімінің орынбасары.
Сонымен қатар, жиын барысында қатысушылар жол учаскелерін қысқы кезеңге дайындау бағытында жұмыс қарқынын арттыру қажеттілігін талқылады.
Тағыда оқыңыз
Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзіМемлекет басшысының еліміздің әлеуметтік-экономикалық даму мәселелері жөніндегі кеңейтілген кеңесте сөйлеген сөзіАБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІҚазақстан жыл соңына дейін жаңа халықаралық әуе бағыттарын ашады – М. ҚарабаевҮкіметте Қазақстан өңірлерінің су тасқынына дайындығы қаралды