2023 жылдың 5-6 мамыр аралығында  7-8 сынып оқушылары арасында ҰОС ардагері, ұлағатты  ұстаз Н. Мухамедиевтың атындағы баскетбол жарысы аудандық ішкі саясат,мәдениет,тілдерді дамыту және спорт бөлімінің, Аягөз ауданы бойынша аудандық білім бөлімінің қолдауларымен «К. Бозтаев атындағы қазақ мектеп гимназиясы» КММ-нің ұйымдастыруымен «№3 жалпы орта білім беретін аралас мектеп» КММ-нің  спортзалында өткізілді. Жарыстың мақсаты: Оқушылар арасында салауатты өмір салтын насихаттау, оқушылар арасында достықты нығайту, білім саласына еңбегі сіңген тұлғалар арқылы жас буынға тәрбие беру.

Ашылу салтанаты К. Бозтаев атындағы қазақ мектеп гимназиясының спорт алаңында өткізілді. Мектеп директоры Г. Абуталипова мен атамыздың немересі Ерлан Нурмыханұлы баскетболшыларға ақ тілектерін білдірді. Мектеп оқушылары ән, би өнерлерімен қатысушыларға көңіл-күй сыйлады. Жарыстың бас төрешісі жарыстың өту барысымен таныстырды. 2 мамыр күні  өткен төрешілер отырысында командалар жеребе арқылы топтарға бөлінгенін,ақтық ойындарға 4 команда шығатынын ескерте кетті. Жиыны 12 команда жүлделі орындарды сарапқа салды. Отыз бірінші рет өткізіліп отырған жарыс жоғарғы деңгейде өтті. Командалар жақсы ойын өрнектерін көрсете білді.

Шиеліністі ойындардын соң, 1 орынды  К. Бозтаев атындағы орта мектебінің  командасы иеленсе, 2  орынды көпбейінді қазақ мектеп гимназия командасы, 3 орынды Д.  Бабатайұлы атындағы орта  мектебінің командасы иеленді. Жарыстың үздік ойыншылары төмендегідей болды: «Үздік қорғаушы» - Мәжім Саян (Д. Бабатайұлы атындағы орта мектеп), «Үздік шабуылш» - Мухтар Алихан- (мектеп-гимназия), «Үздік ойыншы» - Нурасыл Қайратов (К. Бозтаев атындағы гимназия).

Жарыс соңында жеңімпаздар мен жүлдегерлер аудандық ішкі саясат, мәдениет, тілдерді дамыту және спорт бөлімінің кубоктарымен, медальдарымен, мақтау қағаздарымен марапатталса, Н. Мухамедиевтың немерелерінен бағалы сыйлықтар табысталды.Төрешілік қызметін атқарған ұстаздарға бағалы сыйлықтар берілді.