Бородулихада 400 басқа арналған сүт фермасы жұмыс істейді
Бородулиха ауданына жұмыс сапары аясында аймақ басшысы Нұрлан Ұранхаев 400 бас симменталды ірі қара малға арналған сүт-тауар фермасына барды. Бүгінгі таңда компания қызметінің негізгі аспектілері өсімдік шаруашылығы және сүт өнімдері болып табылады.
Фирма директоры Ермек Түсіпбеков өндірілетін өнімнің негізгі түрі - күнбағыс, жаздық бидай, күздік дақылдар, сұлы, арпа, тары, рапс, бұршақ және көпжылдық шөптер екенін айтты.
Жалпы жер көлемі - 12995,9 га. Фирманың автопаркі комбайндардан, тракторлардан және басқа да қажетті ауылшаруашылық техникаларынан тұрады. Жобаның жалпы құны 2,5 млрд. теңгені құрайды. Фирма жылына 3000 тоннаға дейін сүт өндіруді жоспарлап отыр, майлылығы кемінде 3,8%.
Облыс әкімі ферманың әлеуетін жоғары бағалап, басшыға жобаны одан әрі іске асыруға сәттілік тіледі.
018.kz
Тағыда оқыңыз