«Екі жұлдыз» байқауы ерекше жұлдыздарға үміт сыйлады

11-10-2023, 15:50 Думан Кенжеғазыұлы

Абай облысында «Екі жұлдыз» сайысы ұйымдастырылды. Байқауға облыстың 5 ауданынан мүмкіндігі шектеулі балалар мен жасөспірімдер қатысты.

Байқаудың мақсаты – жас дарындарды ынталандыру және өз қабілеттерін көрсетуге мүмкіндік жасау. Облыстық байқауға қатысуға барлығы 19 өтінім түсті.

Абай облысы әкімі аппаратының басшысы Жасұлан Сәрсебаев жас дарындарды қолдап, сәттілік тіледі. Сондай-ақ, жұмыспен қамтуды үйлестіру және әлеуметтік бағдарламалар басқармасының басшысы Айнұр Сұлтанова мұндай шараларды өткізудің маңыздылығы мен өзектілігін атап өтті.

«Ерекше балалардың ынтасы мен талабын көрсету арқылы мүмкіндігі шектеулі деген жандардың өнерде ешқандай шектеуі жоқ екендігін дәлелдегіміз келеді. Олардың бойында керемет талант, сондай-ақ, жігер, табандылық, қиындықтарды жеңуге деген құштарлықты қолдау мақсатында жыл сайын осы іс-шараны ұйымдастырамыз», – деді басқарма басшысы.

Үш санатта өнер көрсеткен қатысушыларға бағалы сыйлықтар мен диплом, ал тәлімгерлерге алғыс хат табысталды. 18 және одан жоғары жастағы өнерпаздар санатында бас жүлде Үржар ауданының өкілі Орман Базарханға бұйырды. Ал бірінші орынды Семей мен Үржар ауданының атынан өнер көрсеткен қатысушылар иеленді.

Тағыда оқыңыз

Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Қазақстандық мектептердің 6,8 мың түлегі – «Алтын белгіге» үміткер Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі Мемлекет басшысының еліміздің әлеуметтік-экономикалық даму мәселелері жөніндегі кеңейтілген кеңесте сөйлеген сөзі Абай өңірінің үздік отбасысы анықталды

Бізге ақпарат жолдаңыз Телеграмдағы каналымыз

«Екі жұлдыз» байқауы ерекше жұлдыздарға үміт сыйлады

Пікірлер (0)