Семей қаласы гарнизондық офицерлер үйінде Қарулы Күштердің әскери қызметшілері отбасыларының тұрмыстық зорлық – зомбылықты алдын алу және әлеуметтік – тұрмыстық сұрақтар қарастырылған жиын өткізілді. Басқосуға «Шығыс» өңірлік қолбасшылығы әскерлерінің қолбасшысы полковник Жеңіс Маралов, тәрбие және идеологиялық жұмыстары жөніндегі орынбасары полковник Дархан Ажибаев, әскери қызметкерлердің отбасы мүшелерімен жұмысты ұйымдастыру қызметінің жетекшісі Ақмарал Ахметжанова, сондай-ақ әскери қызметшілердің отбасылары қатысты.

Алғаш болып сөз алған «Шығыс» өңірлік қолбасшылығы әскерилері қолбасшысы Жеңіс Маралов тұрмыстық зорлық-зомбылықтың алдын алу мәселесінің өзектілігі мен оның қоғамға кері әсерімен бөлісті. Сондай-ақ, ол Қазақстан президенті Қасым-Жомарт Тоқаев сұхбатында әйелдер мен балаларға жасалған зорлық-зомбылыққа қатысты заңның қатаңдатылып жатқанын атап өтті. 

Сонымен қатар, қолбасшы қоғам нормалар мен ережелердің сақталуында күресу керектігін жеткізді. Кез келген заң бұзушылыққа қарсы шаралар қабылданатынын атап өтті.

Сонымен қатар «Шығыс» өңірлік қолбасшылығы әскерлерінің қолбасшысы полковник Жеңіс Маралов әскерилер мен олардың отбасы мүшелері тарапынан қойылған сұрақтарға жауап берді. Кездесу соңында әскери өмірге белсенді араласқан әскери қызметшілердің отбасылары «Шығыс» өңірлік қолбасшылығы атынан алғыс хаттарымен марапатталды.

Абай өңірлік гарнизоның баспасөз қызметі