«Мемсараптама» РМК-да «Атамекен» Ұлттық кәсіпкерлер палатасы, «ҚазҚСҒЗИ» АҚ Құрылыстағы стандарттау орталығы, «Самұрық-Қазына Құрылыс» АҚ және Қазақстанның «QAZAQ STONE» тас өңдеу өнеркәсібі одағы өкілдерінің қатысуымен кеңес өтті.

Отырыс барысында білім беру саласындағы «Жайлы мектеп» пилоттық ұлттық жобасын іске асыру шеңберінде жобаларға кешенді ведомстводан тыс сараптама жүргізу, сондай-ақ іске асыру шеңберінде отандық өндірушілердің өнімдерін пайдалану мәселелері қаралып, аталған ұлттық жоба талқыланды.

Кездесу нәтижесінде «Самұрық-Қазына Құрылыс» АҚ-на отандық өндірушілердің өнімдерін, оның ішінде «Жайлы мектеп» білім беру саласындағы ұлттық жобасын жүзеге асыру аясында Қазақстанның Тас өңдеу өнеркәсібі одағы ұсынған «QAZAQ STONE» өнімдерін басымдықпен пайдалану мүмкіндігін қарастыру ұсынылды.