ҚР Еңбек және халықты әлеуметтік қорғау министрлігінде (бұдан әрі-Еңбекмині) бірінші вице-министр Ақмәди Сарбасовтың төрағалығымен платформалық жұмыспен қамтуды құқықтық реттеу мәселелері бойынша мемлекеттік органдар мен Wolt компаниясы өкілдерінің жұмыс жиналысы өтті.

Мемлекеттік органдар тарапынан іс-шараға Еңбекмині, ҚР Цифрлық даму, инновациялар және аэроғарыш өнеркәсібі министрлігі, ҚР Ұлттық экономика министрлігі, ҚР Қаржы министрлігінің Мемлекеттік кірістер комитетінің өкілдері қатысты.

Жиналысты аша отырып, Ақмәди Сарбасов Қазақстанда, әсіресе такси және курьерлік жеткізу қызметтері саласында платформалық жұмыспен қамтудың белсенді дамуын ескере отырып, мемлекеттік органдар платформалық жұмыспен қамтуды дамыту үшін кедергілер мен шектеулер жасамай, интернет-платформаларда жұмыс істейтін адамдарды қолданыстағы әлеуметтік қамсыздандыру жүйесіне ресімдеу және тарту бойынша жұмыс жүргізіп жатқанын атап өтті. Жақын арада заңнамаға интернет-платформа операторы, тапсырыс беруші мен орындаушы арасындағы өзара қарым-қатынасты нақты реттейтін түзетулер қабылданады деп күтілуде.

Ақмәди Сарбасов жұмыстың тағы бір негізгі кезеңі ҚР Салық кодексінде жаңа жеңілдетілген салық режимін және платформалық жұмыспен қамтылғандар үшін қарапайым тіркеу рәсімін енгізуді белгіледі.

Кеңеске қатысушылар интернет-платформаларды пайдалана отырып қызметтер көрсететін тұлғаларды салықтық әкімшілендіру жөніндегі пилоттық жобаны іске асыру үшін одан әрі өзара іс-қимыл, оның ішінде техникалық интеграция бөлігінде өзара іс-қимыл туралы уағдаласты.