Бородулихада демеушілер тарапынан 100 млн. теңгеге көмек көрсетілді

24-02-2023, 08:57 Думан Кенжеғазыұлы

Бородулиха ауданында 2022 жылы шаруа қожалықтарының басшылары, аудан кәсіпкерлері жалпы сомасы 100 млн. теңгеге көмек көрсетті. Бұл туралы Абай облысының ӨКҚ өткен баспасөз конференциясында аудан әкімі Ахметқали Нұрғожин айтып берді.

- Балалар жылына орай, Петропавловка ауылында бизнестің әлеуметтік жауапкершілігі аясында шаруа қожалықтары демалыс саябағына және шағын орталыққа жалпы сомасы 12 млн. теңгеге балалар ойын алаңдарын салды, сонымен қатар Аманов орта мектебінің жарты ғасырлық мерейтойына 18 млн. теңгеге автобус сыйға тартты,- деді аудан әкімі.

Демеушілер есебінен Коростели ауылында жалпы сомасы 5 млн. теңгеге саябақ аумағын қоршау және шағын сәулеттік безендіру жобасы іске асырылып, мешіттің жылу жүйесі жөнделген. Зенковка ауылында Жеңіс саябағын қалпына келтіру және абаттандыру жұмыстары жүргізіліп, тратуарлар мен плиталар ауыстырылды. Уба-форпост ауылында медициналық пунк ғимараты жөнделіп, жабдықталды.

- Корестели жәнен Переменовка ауылында жергілікті демеушілер шағын орталықтағы топтарды қайта құрды. Новопокровка ауылының ауылдық клубының жылу жүйесі жаңғыртылды. Жазғы және қысқы мезгілде кентішілік жолдарға себу жұмыстары жүргізілді,- деді аудан әкімі.

Меценаттар, шаруа қожалықтарының басшылары ауданға спорттық, музыкалық жабдықтар сатып алуға, мүмкіндігі шектеулі жандарға, зейнеткерлерге, аз қамтылған және көп балалы отбасыларға, сондай-ақ мерекелер мен мерейтойларды атап өтуге қаржылай көмек көрсеткен.

Тағыда оқыңыз

Шәкәрім шаңырағы – Абай елінің рухани қара шаңырағы!АБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІ 2023 жылғы жалпы егіс алқаптарының көлемі 23,4 млн гектарды құрайды АБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІ Семейге газ құбыры тартылады

Бізге ақпарат жолдаңыз Телеграмдағы каналымыз

Бородулихада демеушілер тарапынан 100 млн. теңгеге көмек көрсетілді

Пікірлер (0)