Қатысушылар 57 құзыреттілік бойынша сынға түсті. Нақтырақ айтар болсақ, Облыстың 29 колледжінен командалар қатысып, 200-ден астам студент өздерінің кәсіби шеберліктерін көрсету үстінде. 

Жұмысшы мамандықтары бойынша жастар біліктілігін 200 сарапшы бағалайды. Студенттер мамандықтарына қарай берілген тапсырманы уақытылы орындауы тиіс. Басты көңіл бөлетін нәрсе-сапа. Жұмыс, тиянақты әрі жүйелі жасалынуы тиіс. Бұл жастардың болашақтағы еңбек жолына деген алғашқы қадамдары болып табылады.

2023 жылы Абай облысының студенттері 6 алтын, 2 күміс, 3 қола медаль жеңіп алып, еліміз бойынша үздік атанған болатын. Ұйымдастырушылар биылғы жылы да іріктеуден өткен студенттер республикалық сында жүлдемен оралатындарына сенім білдірді.

Чемпионат қорытындысы мен марапаттау рәсімі 26 сәуір күніне жоспарланған. Жеңімпаз облыс құрамасы күзде өтетін республикалық кезеңге жолдама алады.