Бүгін Нұрбол Нұрсағатов ТКШ бөлімінің басшысымен «Талдықорған Архитектура» ЖШС жүргізіп жатқан бірнеше аулаға барды: Шығыс кенті квартал Б, Шәкәрім көшесі 9, 20 үй мекенжайларына барды.

Нұрбол Нұрсағатов жұмыстарды жеделдетіп аяқтауды, шағын архитектуралық нысандарды орнату кезінде беріктігіне баса назар аударуды тапсырды.

Сондай-ақ, қала әкімі Би Боранбай көшесінен "Семей Инжиниринг" шлагбаумына дейінгі Батыс өндірістік торабына барып мердігерлермен кездесті. Бұл аумақта жалпы ұзындығы 2 км болатын жолға асфальт төсеу жұмыстары жүргізіліп жатыр.

Анықтама: Биыл қаланың 50 аула аумағын абаттандыру бойынша жұмыстар жоспарланған, оның ішінде халық қатысатын бюджет бағдарламасы аясында 14 аула жөнделіп, 4 қоғамдық кеңістік абаттандырылады. Жұмыстар 45 аулада штатты режимде жүргізіліп жатыр. Негіз бойынша жұмыстар 80% -ға, шағын архитектуралық формаларды орнату бойынша жұмыстар 50% - ға орындалды.