Абай облысы әкімінің орынбасары Димитрий Гариков жұмыс сапарымен Жарма және Аягөз аудандарындағы қазандықтарды, жылу желілері мен құрылыс алаңдарындағы жұмыстардың барысын тексерді.

Жарма ауданы Шуақ кентінде қазандық ағымдағы жөндеуден өтуде. Мұнда үш су жылыту қазандығы мен құрамдас жабдықтарды жөндеу жоспарлануда. Жұмыстар жоспарға сай жүргізіліп, жылу маусымы басталғанға дейін аяқталуы тиіс.

Ал Аягөз қаласындағы жылу желілері мен үш қазандыққа ағымдағы жөндеу жүргізілуде. Жөнделетін жылу желісінің ұзындығы 4,1 шақырым. Қазандықтарда сорғылар, ысырмалар және т.б. құрамдас жабдықтар ауыстырылуда.

«Жайлы мектеп» ұлттық жобасы аясында Аягөз қаласында 600 орындық мектеп құрылысы жалғасуда. Құрылыстың аяқталу мерзімі 2024 жылдың желтоқсан айына жоспарланған.

Сонымен қатар Аягөзде орталық аудандық аурухананың реанимация бөлімшесіне қосымша ғимарат құрылысы жүріп жатыр. Құрылыстың аяқталуы 2025 жылдың бірінші тоқсанына көзделген. Нәтижесінде емделушілерге арналған орын саны 10 - ға артпақ.

Барлық мердігерлерге жұмыстарды уақытылы және сапалы аяқтау қажеттігі туралы нұсқаулар берілді.