Семей қаласында Республикалық лекторий жалғасуда
Бүгін Рымбек Байсейітов атындағы Семей қаржы экономикалық колледжінде «Қоғамдық келісім мен жалпыұлттық бірліктің қазақстандық моделі» тақырыбында лекторийдің екінші күні өтті.
Іс-шараның негізгі мақсаты – этносаралық саясат, бейбітшілік пен келісімді нығайту, сондай-ақ ҚХА қызметінің мәселелері жөнінде ақпараттық-түсіндіру жұмысын жүргізу.
- Республикалық лекторий Семей қаласының Достық үйінде басталған болатын. Басты мақсатымыз – жастар мен тұрғындарға этносаралық саясатты түсіндіріп, ұлтаралық бірлікті арттыру. Лекторлардың арасында профессорлар, жергілікті ЖОО ұстаздары, қауымдастық төрағалары бар. Бүгін жиынға Рымбек Байсейітов атындағы Семей қаржы экономикалық колледжі мен Авиценна колледжінің студенттері қатысатын болады, - деді Абай облыстық Достық үйінің директоры Надежда Шарова.
Сонымен қатар, жиынға «Қоғамдық келісім орталығы – облыстық Достық үйі» КММ қызметкерлері, ҚХА мүшелері, «Ассамблея жастары» республикалық қоғамдық бірлестігі мүшелері, этномәдени бірлестік өкілдері және студенттер қатысты.
- Бұл іс-шара жыл сайын ұйымдастырылатын үлкен жоба. ҚХА мүшелері Абай еліне келіп, пікірлерімен бөлісіп жатыр. Яғни, біз үшін жастарға ұлттық бірліктің, татулықтың маңызын түсіндіру маңызды. Бұл кеңеске елордадан профессорлар, ассамблея өкілдері келді. Және жастарға ұлттық бірліктің негізін, оның себебін бізге айқындап, көрсетіп береді, - деді Л.Н. Гумилев атындағы Еуразия ұлттық университетінің конституциялық және азаматтық құқық кафедрасының профессоры Жамаладен Ибраһимұлы.
Лекторий аясында жастар мәселесі қозғалып, қазақстандықтардың бірлігі жайлы сөз болды. Және Республикалық лекторий Бесқарағай ауданында өз жалғасын таппақ.
Тағыда оқыңыз
Мемлекет басшысы Қасым-Жомарт Тоқаевтың Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында сөйлеген сөзіМемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіМемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына ЖолдауыҚасым-Жомарт Тоқаев: Біз озық ойлы ұлт ретінде тек қана алға қарауымыз керекМемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы