№4 бірмандаттық сайлау округі бойынша Respublica партиясының атынан Абай облыстық мәслихатының депутаттығына кандидат Шынар Хасенова Жүсіпбек Аймауытов атындағы орта мектепте «Құс фабрикасы» шағын ауданының тұрғындарымен кездесті.

Ол партия жақтастарымен бірге өзінің сайлауалды бағдарламасын таныстырып, қаладағы қордаланған мәселелердің шешу жолдарын ұсынды.

Кандидат өзінің сайлауалды бағдарламасында қолданыстағы заңнама шеңберінде өз округіндегі кәсіпкерлердің құқықтары мен мүдделерін үнемі қорғау қажеттігін алға тартады.

Сондай-ақ, мемлекеттік бағдарламалар шеңберінде бөлінген бюджет қаражатының жұмсалуына партиялық бақылауды жүзеге асыру қажеттігін атап өтті.

Үгіт материалдарын орналастырғаны үшін төлемді аумақтық сайлау комиссиясы республикалық бюджет қаражаты есебінен жүргізді.