Қарулы күштердің Тыл бастығы басқармасы «Қазақстан Республикасы Қарулы Күштерінің орталық, өңірлік, флоттық және әскери қоймаларында әскери мүлікті (азық-түлік қызметінің мүлкін) сақтауды ұйымдастыру және қамтамасыз ету жөніндегі нұсқаулықты бекіту туралы» Қорғаныс министрі бұйрығының жобасын әзірледі.

Бұл нормативтік құқықтық акт Қазақстан Республикасы Қорғаныс министрлігі туралы ереженің 15-тармағы 281) тармақшасына сәйкес әзірленді. Құжатта азық-түлік қызметінің материалдық құралдарын сақтауды ұйымдастыру тәртібі айқындалады.

Қорғаныс министрі бұйрығы жобасының толық мәтінімен «Электрондық үкімет» порталында осы жылдың 17 желтоқсанына дейін «Ашық НҚА» бөлімінде мына https://legalacts.egov.kz/npa/view?id=15322230 сілтеме бойынша танысуға болады.